ကဗျာတစ်ပုဒ်ရေးပေးပါ........တဲ့
အဲဒီ ကဗျာလေးထဲမှာ.....
ကာရံတွေလဲ ညီပါစေ...
ပီတိတွေလဲ စီးဝင်စေ...
ဖတ်နေရင်းနဲ့.....
သန့်ရှင်းတဲ့ အချစ်များလဲ
ခံစားရရှိနိုင်ပါစေတဲ့.....။
...............................
တစ်ခါတစ်လေမှာ
တေးသံတွေ ကြားယောင်ရင်း
ခါးသက်ခြင်းတွေပျောက်ဆုံးလို့
ချစ်သမျှအကြောင်း
မဟောင်းအောင် ရေးပေးပါတဲ့.....
.................................
ချစ်သူကို လွမ်းသမျှ
တမ်းတရတဲ့ အကြောင်း
နောက်ပြီး ကြည်လင်တဲ့ညမှာ
တစ်ယောက်ထဲ စဉ်းစား
ချစ်သူအနားကိုရောက်
သောကတွေပျောက်နေတယ်ဆိုတဲ့အကြောင်း......တဲ့
....................................
ကြည်လင်လှပ
ဘ၀ရဲ့ ည ကောင်းကင်ကြီးထဲမှာ
ကြယ်လေးလိုပဲဖြစ်ဖြစ်
လမင်းကြီးပဲဖြစ်ဖြစ်
ကြယ်ရောင် လရောင်တွေကြားထဲမှာ
စီးမျောသွားနေတဲ့ တိမ်ဆိုင်တွေပဲဖြစ်ဖြစ်
လေညှင်းလေးပဲ ဖြစ်ဖြစ်
ပန်းရနံ့လေးပဲ ဖြစ်ဖြစ်
ညရဲ့ သံစဉ်လေးပဲဖြစ်ဖြစ်
မျှော်လင့်မိတယ်ဆိုတဲ့အကြောင်း........
ကောင်းကောင်းလေး ရေးပေးပါ.....
သိပ် မြတ်နိုးရတာကိုလဲ
ဖတ်နေရင်းနဲ့ သိပါစေတဲ့..
..................................
သူ ခိုင်းသမျှ
ရေးပေးချင်မိပါတယ်......
..............................
ဒါပေမဲ့ကွယ်.......
သူရည်ရွယ်တာက
တခြားတစ်ယောက်ဖြစ်နေတော့.....
ကိုယ်ရေးချင်တဲ့ ကဗျာလေးနဲ့
ထပ်တူညွှန်းဖွဲ့
ရေးရမှာလဲခက်
တွေးရမှာလဲခက်
ပင့်သက်လေးပဲ ချမိတယ်.....
..................................
ကိုယ့်ကို နားလည်ပေးပါနော်.....
ချစ်သူရေးစေချင်တဲ့ကဗျာ
အခုလေ..
ကာရံတွေလဲ မလှတော့ဘူး။
ခံစားချက်တွေသွပ်သွင်းပေမဲ့
ညလေညှင်းလဲ မအေးတော့ဘူး....။
တစ်ခုပဲရှိတော့တယ်.....
မျက်ရည်ကိုမှင်အဖြစ်နဲ့
ရေးဖွဲ့ဖြစ်မယ်ဆိုလျှင်တော့
ဒါပေမဲ့..... ချစ်သူရေ
မင်း စိတ်မပူပါနဲ့နော်.....
ချစ်သူ စိတ်ချမ်းသာစေဖို့
နောက်ဆုံး ထွက်သက်တွေရှူရှိုက်ရင်းက
လှပတဲ့ကဗျာလေးတစ်ပုဒ်
အဟုတ်ကို ရေးဖွဲ့ပေးပါ့မယ်....
ကိုယ်ရဲ့ နောက်ဆုံး အချိန်မှာလေ.......။
ရေးကောင်း ရေးဖြစ်မှာပေါ့နော်.....။
No comments:
Post a Comment